قلم: اسكندر عوض
جلست اتأمل ذات يوما في الزمان فقلت له
احكي يازمان للناس احكي حكايتنا..عشنا سنين وسنين الفرح في بيتنا
ماعرفنا يوم نداري نداري فرحتنا..صبحنا بقلب حزين عااخد دمعتنا
ياتري يازمان الفرح تاني يعود..ولاطريق احزانك هي سكتنا
ان كان عالصبر نصبر مالصبر صاحبنا
وياخوفي لانصبر والصبر يسبنا
ويضيع كمان الامل يضيع من قلوبنا
ونعيش يازمان تايهين نحكي حكايتنا
حكايه تعود لزمان مالناش عليه عتاب
كنا عايشين احبه كنا كتير احباب
تجمع مابنا الفرحه ومانعرف يوم عزاب
ياتري يازمان يومين وهايعدو
ياتري يازمان يومين ويتقضو
قول يازمان قول جاوب علي حيرتنا
ياتري هانعيش عالخد دمعتنا
ولاتاني يعود الفرح في بيتنا
احكي وقول للناس احكي حكايتنا
